ܬܫܒܘܚܬܐ ܕܡܠܐܟܐ
editܬܫܒܘܚܬܐ ܠܐܠܗܐ ܒܡܪܘܡܐ / ܬܢܝ: ܓ ܙܒܢܝܢ ܘܥܠ ܐܪܥܐ ܫܠܡܐ / ܘܣܒܪܐ ܛܒܐ ܠܒܢܝܢܫܐ / ܣܓܕܝܢܢ ܠܟ / ܡܫܒܚܝܢܢ ܠܟ / ܡܪܡܪܡܝܢܢ ܠܟ / ܐܝܬܝܐ ܕܡܢ ܡܬܘܡ / ܟܝܢܐ ܓܢܝܙܐ ܕܠܐ ܡܬܕܪܟ / ܐܒܐ ܘܒܪܐ ܘܪܘܚܐ ܕܩܘܕܫܐ / ܡܠܟܐ ܕܡܠܟܐ / ܘܡܪܐ ܕܡܪܘܬܐ / ܕܥܡܪ ܒܢܘܗܪܐ ܓܐܝܐ / ܗܘ ܕܐܢܫ ܡܢ ܒܢܝܢܫܐ ܠܐ ܚܙܝܗܝ / ܘܐܦܠܐ ܡܨܐ ܠܡܚܙܝܗ / ܩܕܝܫܐ ܒܠܚܘܕܘܗܝ / ܚܝܠܬܢܐ ܒܠܚܘܕܘܗܝ / ܠܐ ܡܝܘܬܐ ܒܠܚܘܕܘܗܝ / ܡܘܕܝܢܢ ܠܟ / ܒܝܕ ܡܨܥܝܐ ܕܛܒܬܢ / ܝܫܘܥ ܡܫܝܚܐ / ܦܪܘܩܗ ܕܥܠܡܐ / ܘܒܪܗ ܕܡܪܝܡܐ / ܐܡܪܗ ܕܐܠܗܐ ܚܝܐ / ܫܩܠ ܚܛܝܬܗ ܕܥܠܡܐ / ܐܬܪܚܡ ܥܠܝܢ / ܝܬܒ ܡܢ ܝܡܝܢܐ ܕܐܒܘܗܝ / ܩܒܠ ܒܥܘܬܢ / ܕܐܢܬܘ ܐܠܗܢ / ܘܐܢܬܘ ܡܪܢ / ܘܐܢܬܘ ܡܠܟܢ / ܘܐܢܬܘ ܦܪܘܩܢ / ܘܐܢܬܘ ܫܒܘܩܐ ܕܚܛܗܝܢ / ܥܝܢܐ ܕܟܠ ܐܢܫ ܠܘܬܟ ܬܠܝܢ / ܝܫܘܥ ܡܫܝܚܐ / ܫܘܒܚܐ ܠܐܠܗܐ ܐܒܘܟ / ܘܠܟ ܘܠܪܘܚܐ ܕܩܘܕܫܐ ܠܥܠܡܝܢ ܐܡܝܢ
Breviarium iuxta ritum Syrorum orientalium id est Chaldaeorum (1961) p. 108