English: ARGINTÆTUR Í MYNDLIST Iðnó menningarhús og Gallerí Gestur 2015. Sýningin er í tilefni af 100 ára afmæli kosningaréttar kvenna.
Einu sinni var kerling svarkur mikill og orðhákur, sem gekk undir
aukanafninu Argintæta. Átti hún fáa vini, þar sem hún bar milli
fólks sögur venjulega hálflognar og kom sér úr húsi, hvað
eftir annað, og lauk því þannig, að enginn vildi neitt með hana
hafa að gera, og bjó hún ein síðustu ár sín.
Hafðist hún við í kofa á túni bróður síns, en ekki mátti hún
stíga fæti í bæinn, svo höfðu illyrði hennar um séð.
Eina mannveran, sem skipti sér af kerlingunni, var umkomulaus
stúlka, sem var gustukabarn bróður hennar. Kom hún oft til gömlu
konunnar og lét styggðaryrði hennar hvergi á sig fá.
Loks kom þar að Argintætu þótti vænt um stúlkuna. Sagði
hún henni sögur og bað fyrir henni og sagðist vita að hún yrði
gæfukona. Þegar Argintæta dó fannst bréf í kistli hennar, þar sem
hún arfleiddi stúlkuna að eigum sínum, sem voru nokkrar, því hún
hafði ævinlega lifað spart og dregið saman það er hún mátti.
Var arfur þessi nægur til að kosta stúlkuna í skóla og hlaut hún
síðan gott gjaforð og lifði við mannhylli.
Sýningin er í tilefni af 100 ára afmæli kosningaréttar kvenna, Sýningarstjóri G.ERLA - Guðrún Erla