Kalaja e Cfirit edit
Ngrihet mbi një kurriz kodre në drejtim J-V në kreshtën e një vargu kodrinor që përbën një rindarje midis luginës së Gjanicës dhe përrenjve që dalin në fushën e Roskovecit. Në të dy anët e kodrës ku ngrihet kalaja ka qafa si ajo e Sinjës dhe e Ngraçanit, nëpër të cilat kalojnë rrugë tradicionale, që të çojnë në brendësi të krahinës së Mallakastrës. Gjithashtu, një varg kodrash lejojnë lehtësisht e kalimit për në qytetin ilir të Dimalit dhe në Kalanë e Mbjeshovës. Syprina e kodrës që përfshin kalaja, paraqitet si një rrafsh në forme eliptike me sipërfaqe 0,5 ha. Pjerrësia e faqeve të kodrës është e madhe dhe vetëm nga ana jugore kurrizi është i butë, por i ngushtë dhe i papërshtatshëm për sulm.
Ndertimi edit
Muri i kalasë ndiqet në të gjithë gjatësinë e tij, duke e konturuar kodrën buzë rrafshit të saj në një planimetri eliptike. Muri mbi sipërfaqe është ruajtur dobët. Ai është ndërtuar me gurë mesatare e te vegjël, por janë përdorur edhe blloqe të mëdhenj në formë kuadratike të marra nga ndërtimet antike. Në fasadë gurët janë vendosur ne rreshta deri diku paralele, dukuri që nuk vërehet në tri fortifikimet e mësipërme. Në gjerësinë e murit prej 1,8 m vërehen dy faqet dhe mbushja. Si lidhës është përdorur llaç i dobët, me mbushës llaçi rëre megjithëse të trashë. Në është bërthamë është përdorur me derdhje është më i pakët se sa në qendrat e tjera. Brenda mureve rrethues, në sipërfaqe, u gjetën fragmente pitosash me incizime të valëzuara.
Figura edit
